barnsleg

2005-06-07T05:22:00.000Z

Jæja Svefnpurkur
klukkan er 5:25 og ég að bíða eftir leigubíl sem skutlar mér í vinnuna... það þarf að vera morgunhani í minni vinnu (allavegana þegar maður á morgunvakt) Er búin að borða hollan morgunmat, seríos með rúsínum átti ekki jarðaber eins og í auglýsinguni og vildi ekki setja sykur á holla morgunmatinn minn.
Annars er það helst í fréttum að ég er orðin hluti af japönsku mafíuni og gegni þar mikilvægu hlutverki, sem er algjert leyndó. Leynilegir fundir verða haldnir í skóli nætur á ónefndum dögum, hef þegar sótt 2 svoleiðis fundi og hef sjaldan verið jafn spennt á ævini. Nú er bara að standa sig og passa sig að stíga ekki feilspor. Hef ákveðið að fá mér ekki tattú af ýmsum ástæðum sem seinna verða raktar þótt að það sé mjög mafíulegt í Japan.....

2005-05-19T10:33:00.000Z

Bloggí bloggedí blogg
það er of gott veður til að hanga inni þessa dagana. Ég er líka orðin útitekin af öllum þessum sundferðum mínum. Þegar maður er atvinnulaus eymingi þá gerir maður það sem er ókeypis. Í mínu tilfelli er það sund svo ég geri ekki neitt annað en að slæpast í vesturbæjarlauginni með gamla fólkinu. Það er magnað hvað það nær að blokkera 3-4 brautir með að synda hægt. Annars megi þið ráða mig í vinnu fyrir sanngjörn laun...... ég býð eftir tilboðum!

2005-05-13T10:39:00.000Z

Gleðifregn.....
Ég er komin með heimasíma og veraldarvefinn heim til mín, nú get ég verið inn á MSN og sjóleiðs án þess að fara út úr húsi eins og seinustu 2 árin.
Þessu ætla ég að fagna með því að halda upp í sveit og dvelja í sumarbústað forledra minna.
Ég er að reyna að hafa upp á Svanhvíti. Ég ætla sko ekki að missa af henni þegar hún er á landinu....
Ef þið eruð góð þá ´fáið þið kannski að sjá strumpaða símanúmmerið mitt...

2005-05-04T13:03:00.000Z

Mér var bent á japanska útvarpsstöð á netinu um daginn og er búin að hlusta dulítið á hana. Það er ekki frásögu færandi nema það að ég hef komist að þeirri niðurstöðu að japanir eru frekar dramatískir. Skil ekki neitt um hvað þeir syngja en þetta hljómar flest allt frekar tregarfullt og dramatýskt. Kannski er ég að hlusta á einhverja svona blöndu af þeirra FM og Létt stöðvum. Vona bara þeirra vegna að þeir hafa einhverja svona Xið stöð, ef ekki er ég hrædd um að allir japanskir strákar séu metró.......

2005-05-02T17:58:00.000Z

Sæl og berrössuð
Ekki enn fengið svar frá mafíuni sem arðrænir fátæka námsmenn.

Fór í bústað um helgina, þar var TRAMPOLÍN..... ég skemmti mér konunglega en fann samt að ég verð að komast í æfingu, þar sem ég var móð eftir smá stund. ER annars massa klár fór í heljarstökk og alles. Síðan slappaði ég af í heita pottinum og fékk grillaðan mat sem var alger snilld.

2005-04-30T10:16:00.000Z

Tölfræði......
er leiðinleg.

Annars hef ég það bara leininlegt í prófunum og þrái ekkert heitar en að komast burt út bæum úr menguninni í sveitasæluna.

Ég hef ákveðið að bjóða fram gestrisni mína og ætla að reyna að taka að mér lítin japana en hef fengið lítið um svör frá mafíuni sem stendur bakvið þetta allt saman, en þau eru strax byrjuð á því að byðja mig um pening. Millifærði á þau og svo hef ég ekki heyrt neitt. Kannski þetta sé svikamilla Íslands, svona eins og svíarnir eru að kreista pening út úr íslenskum fyrirtækum, svíkur þetta dæmi út úr fátækum námsmönnum.

Get ekki beðið eftir því að komast upp í bústað, þar er nefninlega ofsa stórt trampolín, ég veit ekkert skemmtilegra en að hoppa og skoppa, á það til að verða svo æst að ég hendi börnum af trampolínum til að ég komist fyrr að. Passið ykkur bara ef þið eruð að flækajst á trampolíninu í húsdýra og fjölskyldugarðinum.

Þegar ég er búin í prófum ætla ég að grilla og drekka bjór.... hverjir eru með??

2005-04-01T10:17:00.000Z

Jæja gott fólk......
Búin að vera léleg í að blogga, fólk er farið að skamma mig heima hjá mér. Var samt að velta fyrir mér að vera klikkað sniðug og blogga bara svona einu sinni í mánuði.
Ég er í skólanum og atvinnuleit þessa dagana. Það er leiðinlegt að vera í atvinnuleit, það tekur á. Maður upphefur sjálfan sig mikið í atvinnu umsóknum, svo þegar ég mæti í viðtöl er ég svo stressuð að ég kem ekki upp orði. Ekki furða að ég fá ekki neina vinnu hvar vill ráða litla ljósgærða og taugaveiklaða stúlku. PANT' IKKI!!!

2005-03-07T15:23:00.000Z

Í gærkvöldi felldi ég tár.
Af hverju?
Ég var að horfa á þátt sem var um Evu Elsner, hver er það?
Það er konan sem setti saman Píkusögur, ég sá þetta leikrit og skemmti mér vel og það vakti áhuga minn um ýmislegt. Eva hefur líka komið af stað V-dags samtökunum sem berjast gegn ofbeldi á konum, ekki bara kynferðislegu heldur líka andlegu og líkamlegu. Fjallað var um mismunandi hópa, þjóðfélög og menningarsamfélög og það er ótrúlegt hvað viðhefst í heiminum. Mest sorglegt finnst mér þegar ofbeldi gegn konum er eðlilegt eins og þær séu eitthvað óæðri en karlmenn og þessvegna megi nauðga þeim og lemja.
Svo fór ég að hugsa um öll börn sem hafa verið misnotuð af fjölskyldumeðlim, það er það hræðilegasta, b-rn eru saklausar sálir og þurfa öryggi, ást og hlýju. T.d þegar ég var hrædd á nóttuni skreið ég upp í rúm til foreldra minni því þar fannst mér vera öruggasti staður í heimi, svo hugsa ég um börnin sem hafa verið kynferðislega misnotuð hvert geta þau leitað?
Ég held að við ættum öll að gefa þessu gaum, ég ætla allavegana að gera það, ég hef bara aldrei áttað mig á því að svona mikil illska er til í heiminum, þar sem ég hef nánast lifað hinu fullkomna lífi og margar mundu mun frekar kjósa mitt líf í staðin fyrir erfiðleikana sem það hefur þurft að ganga í gegnum.

2005-02-26T11:37:00.000Z

Ég lenti í leiðinlegri lífsreynslu í nótt, það var einhver gaur að reyna að hringja í mig og ég var sofandi. Hann vildi ekki segja neitt annað en hæ, svo ég skelti á. Þá hringdi hann bara alltaf aftur, eftir nokkur skipti gafst ég upp og lét Svenna svara. Hélt að þetta væri einhver fullur að hringja í vitlaust númer, viti menn þegar Svenni svarar byður kallfíflið um mig aftur, þetta var farið að hræða mig ansi mikið þar sem ég á enga alnöfnu á landinu síminn minn er ekki í símaskránni, ég fæ oft vitlaus símtöl en þá er ekki verið að spurja um mig.
Ef þið vitið hver Atli Sigurðsson sem á heima í Hlíðunum er, endilega látið mig vita.....

2005-02-25T10:41:00.000Z

Ég held að ég sé að breytast í settlega húfreyju (langaði að segja húsmóður en á ekki börn) ég er hinn mesti kvennskörungur og orðin rosa flink í eldhúsinu. Ég fæ meira að segja að æfa mig í pönnukökubakstri í annara manna eldhúsum. Mér finnst pínu gaman að elda og baka þegar einhver kemur í mat því eitthvað verður maður að bjóða gestunum og það verður alltaf að vera til nóg, ég er að breytast í ÖMMU mína og það hræðir mig pínu lítið, en ég held samt að ég sé ansi góður gestgjafi. Tökum dæmi í nótt mættu heim til mín 4 og réðust á fínu eplakökuna mína, átti reynadar ekki rjóma en kakan kláraðist samt. Hvað segir þetta um mig ég á eplaköku kl 1 að nóttu á fimmtudegi, tja svei mér þá, hafandi áhyggjur af því að eiga ekki rjóma!!!

2005-02-22T11:00:00.000Z

Góðan daginn gott fólk
í dag er ég kát og hress þrátt fyrir ritgerðasmíð. Ég gleymdi að skrifa um það mikilvægasta sem gerðist um helgina!!!
Hún Rebekka átti lítinn strák sem er svo sæturendilega kíkið á myndirnar http://www.barnaland.is/barn/27727/album/

2005-02-21T09:30:00.000Z

Ég er byrjuð að vinna, sem er góður hlutur. Ég er hjálp í Súlnasal á hótel Sögu, stend mig víst bara nokkuð vel. Er búin að taka 2 vaktir og ekki enn búin að brjóta neitt sem er heimsmet hjá mér þegar ég hugsa út í það, ég er nefninlega rosa flínk í að skemma hluti.
Mikið er maður þreyttur eftir á, það er ólýsanleg vellíðan sem kemur yfir mann þegar ég leggst upp í rúm og finn þreytuna líða úr fótunum, og þá er gott að eiga mann sem vill nudda tásurnar.

2005-02-15T16:17:00.000Z

Nú hef ég gert allt... í gær fór ég á fyllerí.... Já þið heyrðuð rétt ég fór á fyllerí með bláókunnugu fólki á MÁNUDEGI, margt hef ég brallað en þetta hefur ekki komið fyrir áður. Það var mjög gaman þar sem ég vann í bingó, ég hef aldrei unnið í bingó áður! Ég vann vodka sem er rautt á litinn og er víst voða gott ef maður er að gera cosmopolitan, það hef ég aldrei drukkið bara séð konurnar í Beðmáli í borginni drekka það. Þar sem þær eru ekki alveg beint hetjurnar mínar veit ég ekki alveg hvort ég ætti að hóa í nokkrar vinkonur til að drekka þetta með mér en hugsa samt að ég geri það bara svona upp á sportið.

Ég var beðin um að leiðrétta mig frá seinasta bloggi... Mannsveskjunni var ekki bannað að tala við mig, mannsveskjan var bara ekki eins glöð að sjá mig eins og ég var yfir þessum endurfundum. Svona get ég verið barnsleg stundum ég verð greinilega bara að fara átta mig á því að það eru ekki allir sem hafa sömu tilfiningar og gleði eins og ég. Er á nettum bömmer yfir þessu en þetta er eitthvað sem jafnar sig.

2005-02-09T16:11:00.000Z

Ég hata að vera lasin en núna er ég næstum búin að liggja í viku með kvefskít, hausverk og beinverki, ömurlegt finnst ykkur ekki!
Ég er samt pirruð yfir fullt af fleiri hlutum, um daginn til dæmis hitti ég manneskju sem ég ekki hafði séð í ár, en haft sambant í gegnum net og síma, ég var svaka glöð og gerði mig líklega til að faðma manneskjuna en eitthvað varð mér á þar sem manneskjan var ekkert glöð að sjá mig og sagði að sér hefði verið bannað að tala við mig. Ég hef sjaldan orðið jafn reið á æfinni, skemmdi djammið fyrir mér og strunsaði ég heim á leið þar sem Svenninn minn beið til að róa mig niður, hvernig kæmist ég af án hans, veit ég ekki.
Svo sendi ég bara SMS til manneskjunar og sagði bless fyrir fullt og allt, nokkuð fúl en hafði Svennan minn þó.
Boðskapur dagsins ekki taka vinskap sem sjálfsögðin hlut það gæti alltaf einhver komið og sagt að honum væri lokið og skemmt djamm í leiðinni.

2005-01-29T15:41:00.000Z

Er ég að missa vitið eða er leturgerðin að breitast á síðunni minni, hvað er í gangi, litlu stumparnir horfa á mig saklausum augum og neita öllu.
Ég er með stærstu blöðru sem ég hef séð á hælnum og það er frekar sársaukafullt að reyna að ganga í skóm.
Spakmæli dagsins er; Aldrei kaupa skó og fara í þeim á djammið samdægurs!
Vá hvað ég er búin að miðla mikilli visku af mér í dag, ég vil ekki gefa meira af mér sökum nísku vitsugurnar ykkar!!!!

2005-01-26T21:08:00.000Z

Góða fólk, mér þykir leiðinlegt að hafa svelt ykkur af skrifum frá mér. Af hverju er ég ekki búin að skrifa lengi, bara af einskærri leti. Svona er ég vond, eiginhagsmunavera sem er sama um allt og alla nema kannski mig og fjölskyldu.
Vill einhver ráða mig í vinnu? Vill kannski einhver fá aðsoðarmanneskju svona í 30% vinnu og borga mér svona 100.000 kr. þá er ég voða sátt.
Endilega skoðið nýju bloggvini mína, þeir eru voða skemmtilegir og ef þið eruð góð sjáið þið kannski strumpana!
Over and out, people!

2004-11-30T09:19:00.000Z

Ég á að vera að gera verkefni, reikna og vera rosa klár.... en ég er ekki hestur og hvað þá námshestur. Er alvarlega að spá í því hvort ég eigi að fara í apótekið og byðja um lyf við leti, hvað ætli svoleiðis lyf heiti?
Það er svo margt annað spennandi að gera þegar maður er í prófum, eins og í gær þá þreif Saga hálfa íbúðina og bakaði svo bollur til að toppa allt, ég var alvarlega að pæla í að halda próflestrar venjum og þrífa ofnin svona henni til samlætis og hjálpar. En ég var bara of löt og horfði bara á imbann, man meira að segja ekki hvað ég var að horfa á (væntanlega C.S.I það er alltaf á mánudögum)

2004-11-23T13:50:00.000Z

Ég er orðin 21 árs, sem sagt komin á þrítugsaldurinn ógnvænlega. En ég er ekki hrædd frekar en fyrri daginn og tekst á við lífið með gleðina að vopni..... Þeir fáu sem ekki mundu eftir afmælinu mínu eru hér með strikaðir út úr vina skrá minni. Og hverjir sem það eru fá aldrei að vita það þar sem þeir lesa greinilega ekki bloggið mitt og er greinilega alveg sama um mig!!! Þar hafiði það.
Annað merkilegt í fréttum, ég sé fram á það að flytja upp á Mosó fyrstu helgina í desember og sjá um heimilishald þar í fjarrveru foreldra minna svo sendið póstinn minn þangað.

2004-11-17T16:04:00.002Z

Ég ætla að hætta að hafa áhyggjur af framtíðinni núna og fara að hafa áhyggjur af annari framtíð.... a.k.a PRÓFUM. Úffalala
Þegar snjórinn kom í gær langaði mig svakalega að gera snjókall og fá mér svo heitt kakó... sökum leti gerði ég hvorugt. Svona er ég þá hugsaði ég og bakaði pizzu.

2004-11-17T16:04:00.001Z

2004-11-17T16:04:00.000Z

2004-11-10T13:21:00.000Z

Ég á bráðum afmæli og ég hlakka rosalega til. Ég held nefninlega að þá verði ég mun vitrari og stækka eflaust alveg um heilan centimetra, ef ekki verð ég svakalega vonsvikin og fer í fílu. Vonbrigði lífs míns voru þegar ég var um 5-6 ára og fann út að ég fengi ekki krullur eins og mamma mín. Það þarf lítið til að græta litla sál.
Þar sem ég er að verða 21 árs hef ég verið að velta fyrir mér hvað ég ætla að gera þegar ég er orðin stór, það gengur illa þannig að ég ætla að hækka fullorðins aldur upp í allavega 25 þanig hef ég alveg 4 ár í viðbót til að ákveða mig.
Endilega ef þið eruð með uppástungur um hvað ég eigi að verða þegar ég er orðin stór látið mig vita, ég hef nefninlega ekki neitt til málana að leggja í augnarblikinu.
Var að pæla í hvað ég ætti að vinna við í sumar og mig langar að prufa að fara á sjó, held að ég sé alveg manneskjan í það.

2004-11-01T19:09:00.000Z

Nú er sko ofurkonan Björk komin á flug eða eins og belja að vori, hlaupandi um eins og ég-veit-ekki-hvað.
Nei annar ég er ekki enn dauð úr næringarskorti þar sem ég þekki fullt af fólki sem þykir rosalega vænt um mig. Bara svo þið hin takið eftir því að ég er enn á lífi.
Margir bentu mér á það að ég er ekki hlóðlát og það er rétt kannski ekki alveg kassavön en ég er klósettvön (það þarf allavega ekki að skeina mér)
Hvað sem því líður finnst mér svaka gaman að fara í heimsóknir til fólks (sérstaklega á matartíma) en hverjum finnst það ekki gaman?

2004-10-28T15:11:00.000Z

Uhh ég er voðalega sniðug lítil stelpa sem á bráðlega von á því að þjást af næringarskorti svo allir endilega hugsið um mig eins og þið hugsið um fátæku börnin í Afríku... Var að velta fyrir mér hvort það er einhver sem vill ættleiða mig, er kassavön með meiru og einstaklega hljóðlát.
Merkilegt hvað þetta kennara verkfall ætlar að vara lengi, ég held að börn á Íslandi séu orðin einmanna og vannærð þar sem enginn er heima (nema náttla börn sem eiga foreldra sem eru kennarar) Ímynda ég mér allavega. Þetta gæti verið svona íslensk útgáfa af survivor, iss piss mánuður hvað...... Krakkin sem vinnur fær einkakennara sem fer ekki í verkfall!!
Skráning á commenternum!!!

2004-10-25T11:18:00.000Z

Hafiði velt fyrir ykkur hvað mannskepnuni er aðlislægt að vera forvitin um náungan?
Hef verið í naflaskoðun undanfarið og komist að því að ég er forvitin fram úr því sem góðu hófi gegnir... Ég verð að vita allt og kjaftasögur eru uppáhaldið mitt!
Merkilegt hvað þetta er grimmur heimur, Séð og heyrt er lesið og Fréttablaðið er alltaf með eitthvað smáslúður sem ekkert mark er hægt að taka á, samt les maður þetta. Ég ætlaði að verða betri manneskja og hætta að slúðra og vera forvitin, þá sá ég að það er ekki jafngaman af lífinu. Hversu illa innrætt er ég, ég hef miklar áhyggjur af þessu ætli það sé til meðferð handa slúðursjúklingum?

2004-10-16T13:54:00.000Z

Ég fór í bíó í gær og komst að því að mér finnst bregðumyndir ekkert skemmtilegar og ég er búin að horfa of mikið á hermyndir vissri mannsvekju að kenna (taki það til sín sem eiga það) Svona tölvuleikja myndir höfða heldur ekkert til mín, en ég er líka bara skrítin.
Merkilegast fannst mér samt í þessari mynd (Resident evil minnir mig að hún heitir) að einhver sérsveitar gaur henti handsprengju á götuna og horfði á hana springa standandi, hann stóð á jafnsléttu!!! Tæknilega séð ætti gaurinn þá að vera dauður en NEI hann er sprelllifandi. (væri samt gaman að hafa þessa eiginleika)
Svo er ljótt af þessu fólki að byggja upp spennu og maður veit að manni er að fara að bregða, kannski er ég bara taugaveiklaða týpan sem á bara að sytja heima. En ég hafði hendi til að kreista svo þetta bjargaðist allt.

2004-10-14T18:02:00.000Z

Annað hvort er ég rosalega sniðug eða þá fólk hefur áhyggjur af því að ég borði ekki nóg... Ég er sem sagt boðin í mat á þrem stöðum í kvöld. Hallast meira af því að ég sé sniðug þar sem ég er ekki illa á mig komin líkamlega.
Vel matarboðið sem er lengst í burtu þar sem ég er ekki búin að sjá fjölskyldu mína í langan tíma. Over and out

2004-10-13T17:34:00.000Z

Var að fatta það um daginn að það er ekki langt í það að ég komist á þrítugsaldurinn, það hræðir mig svolítið. Vonast samt til að á þeim tímamótum verði ég rosa vitur. Það má allavega halda í vonina þer sem ég á ekki eftir að stækka meira né verða fallegri, nei leiðinn liggur nú bara niður á við í þeim efnum......
Bið alla vinsamlegast að senda mér samúðarkveðjur og hrukkukrem.

2004-10-11T17:26:00.000Z

Af hverju kemst ég ekki inn á MSN, ég held að það sé verið að mismuna fólki og fara illa með mig. Þeir neita að finna það sem er að þessum blessuðu tölvum, og ég er farin að halda að þetta sé persónulegt.
Svo eru símafyrirtækin líka á móti fólki eins og mér, fátækum námsmönnum og rukka morðfjár fyrir að opna símalínu. Þannig að ég sá ekki að það þurfti að það þarf að skrá sig í próf á netinu og missti þar af leiðandi af prófi seinasta laugardag.
Mér er nóg boðið, bið ykkur vinsamlegast að vera góð við mig....

2004-10-11T11:06:00.000Z

Fengum brjálæðislega hugmynd um þema í matarboði í gær, þarf bara stærra eldhús en mitt til að framkvæma það. Svo við bíðum eftir að foreldrar yfirgefi hýbýli sín svo við gætum tekið yfir.
Þá verða nokkrir útvaldir boðnir í veislu.
Ég ætla ekki að ljóstra upp hvert þemað er þar sem einhverjir gætu hermt eftir svo er líka svo gaman að eiga leyndarmál. Kannski á ég fullt af þeim! Kannski ekki nein! Hver veit?

2004-10-07T14:41:00.000Z

Hef það á tilfinigunni að þetta blogg sé að deyja, líkt og gullfiskurinn hennar Tótu. Þetta er orðið frekar aumt og ligg ég á bakinu lífsins bloggsjó....
Ég ætla alltaf að skrifa eitthvað sniðugt og fyndið en það tekst bara ekki, ég er hrapandi stjarna.

Nóg af leiðindum kannast einhver við þetta viðlag:

Ég er rebel ég er rebel,
Sjáðu mig dansa, sjáðu mig dansa.

Ér er tekex, ég er tekex,
sjáðu mig dansa, sjáðu mig dansa.

Langar rosalega að heyra það aftur......

2004-10-05T17:29:00.000Z

Undur og stórmerki...
Ég er enn á lífi! Húrra fyrir því, að ég komi einhverju í verk. Letin hefur loðað við mig seinustu daga, ásamt dagdraumum og stressi.

Mamma mín sagði að ég væri búin að taka djammið aðeins of hressilega og væri komin tími til að hægja á mér, held að ég taki hennar ráðum og slappi aðeins af. Samt ekki alveg hætt kíki eflaust eitthvað í bæinn. Bara ekki báða dagana.
Oktoberfest þýskunema var gargandi snilld og steig ég trylltan dans við þýsk lög, mikið af fólki var mætt á staðin og flaut hreinlega um í bjór. Var samt ánægðust þegar viss mannsveskja ákvað að koma eftir smá samningaviðræður, kom seint en kom þó.
Svo eftir 2 tíma svefn og dæmatíma var komin tími á bjór aftur í haustferð mímis, sú ferð var rafmögnuð og skörtuðu Þingvellir sínu fegursta í tilefni komu minnar.
Annars er ég búin að vera alltof hamingjusöm síðan á föstudag því allt er búið að ganga svo fáránlega vel upp.

2004-09-20T13:01:00.000Z

Leyndardómar Árnagarðs!

Held að það sé komin tími á blogg eftir smá pásu....
Ég fór að velta fyrir mér hvernig sjónvarpsþátt myndi ég gera. Ég vill nátturulega ná sem mesta áhorfinu í öllum aldurshópum þar sem ég er einstaklega gráðug. Þá fengi ég líka besta sýningartíman og bestu auglisýngarnar. Um hvað væri þátturinn.... tja erfitt að benda á eitthvað eitt en hann er mannlegur, sögusviðið er Árnagarður og fjallar þátturinn um það sem gerist innan veggja hans. Það verður smá svona ástardæmi þar af leiðir drama sem nemendur fjalla um. Svo verða gömul sakamál rannsökuð með hjálp handritanna og í því starfi verður dulítið klikkaður gamall kall, sem er með unga fallega aðstoðarkonu. Það verður samt að vera fræðilegt sem kemur út úr handritunum og satt. Svo má ekki gleyma spjallþáttinum sem verður svona í beinni útsendingu inn í þáttinum en lítur út fyrir að vera dæmatími um lífið.

Framhald þegar ég blogga næst....

2004-08-25T11:53:00.000Z

Ég er í blóma lífsins og nýt tilverunnar, peningalaus en samt svo heppin að eiga þak yfir höfuðið. Meira að segja fallegt þak.
svo ég hef ákveðið að hætta að væla og byrja að lifa á öðrum kannski að ég poti mér í mat til ömmu eða eitthvað....

2004-08-24T16:50:00.000Z

Afmælisbörn gærdagsins Saga frænka og Rebekka.
Afmælisbarn dagsins Maggi hermaur

Sakmmast mín fyrir gleymsku mína og byðst fyrirgefningar.

2004-08-23T12:08:00.000Z

Ég fór á Menningarnótt á laugardaginn eins og flest allir reykvíkingar, slóst í för með foreldrum mínum og systur. Ég og pabbi fórum samt eiginlega bara til að horfa á Ego.
Ég varð pínu stressuð þegar þeir byrjuðu að spila, ég þekkti ekki lagið hafði bara aldrei heyrt það áður, leit í kringum mig og sá að pabbi var með sama spurningamerkið á andlitinu. En næsta lag kannaðist ég við og tók fjölskylda mín að hreyfa sig í takt við tónlistina og misstum okkur gjörsamlega í að synga með í lagininu Hiroshima, Þið munuð öll, þið munuð öll, þið munuð öll deyja. Ég var í miklum trans að hlusta á Afgan togar litla systir í mig og segist ekkert skilja í okkur. Hvaða tónlist er þetta eiginlega hún hafði sko ekki heyrt þessi Bubba lög.
Ég tók andköf og starði hissa á barnið, hvar hafði þetta barn búið seinustu 12 ár!
Ég spurði hvort hún kannaðist ekki við eitthvað lag. Barnið ypti öxlum og sagðist ekkert kannast við eitt né neitt.
Fór ég að hugsa, þetta barn veit ekki hvað Ego er en ég ólst upp við þetta, hvað er í gangi. Svo kviknaði á perunni, plötuspilarinn....
ég hlustaði alltaf á plötuspilaran meðan þetta barn veit ekki hvað plötuspilari er! Ego er ekki til á geisladisk í Lindarbyggðinni bara plötu.
Ég ákvað að nýta sannfæringarkraft minn og telja henni trú um að þetta væri einstakt tækifæri til að sjá þessa hljómsveit því þetta væru allt gamlir menn og þeir löngu hættir að halda tónleika, svo þegar seinasta lagið kom ákvað hún að sannfærast þar sem hún kannaðist við Fjöllin hafa vakað... Gat ég þá loks andað léttar og allir sáttir.

Næsta mál á dagskrá....
Allir sem vilja sjá nýju íbúðina mína eru velkonir í heimsókn eftir kl 17:30 á virkum dögum. Endilega mætið með mat og drykk því ég á ekki krónu...... Svo má náttlega líka bjóða mér í mat. Ég er kassavön og borða næstum allt.

2004-08-20T12:14:00.000Z

Ég er búin að sitja í stærfræðitíma í 4 klukkutíma, þeir sem þekkja mig vita að ég get ekki haldið einbeitingu svona legni jafnvel þótt ég sé að gera eitthvað skemmtilegt.
Svo ég fór að velta fyrir mér hvað mér finnst skemmtilegt að gera. Hér kemur talninginn:
Mér þykir gaman að....
hitta vini mína
elda góðan mat
fara í sund
gefa öndunum brauð
fá mér ís
vera í sólinni
að fá athyggli
hitta systur mína
fara á djammið, sérstaklega með Aldísi
fara á línuskauta
fara á kaffihús
fara í sumarbústað
fara til útlanda

Svo er fullt af hlutum sem ég er að gleyma. Ég held ég sé að vera allt of hamingjusöm og jákvæð.
Ég skal mála allan heimin elsku mamma
eintómt sólskin bjart og lalalalalalalalalala.

Ég hlakka líka til þegar skólinn byrjar fyrir alvöru og þá opna kaffistofur stúdenta, þá ætla ég að lauma mér inn í Árnagarð og hitta fullt fullt af skemmtilegu fólki og fá mér kaffibolla.

2004-08-19T12:40:00.000Z

Ég var að velta fyrir mér að leggjast í smá þunglyndi því minn fyrverandi er ástfanginn af stelpu, en svo fattaði ég að mér finnst það bara leiðinlegt því ég er afbrýðissöm. Ekki út í hana fyrir að ræna hjarta hans! Nei nei er löngu komin yfir hann, heldur af því ég er ekki skotin í neinum og mitt ástarlíf er ekki upp á marga fiska.......
Samt er ég að hugsa um að vorkenna honum dulítið því hann er í Sviss og stúlkan er búsett á Íslandi. Vona bara að ég verði ekki ástfangin af strák sem er búsettur erlendis, nú þegar er nóg af vinum mínum búsettir erlendis.
Einnig vill ég hvetja alla stráka til að finna einhverja sæta snót og bjóða henni á stefnumót, svona í tilefni góða veðursins sem liðið hefur yfir landið. Fullkomið að fara á kaffihús eða sund, ekki loka ykkur inni í dimmum bíósölum. Það er samt svolítið freistandi að fara í dimman bíósal og þurfa ekki að tala neitt.
En ég þarf oftast að tala mikið svo ef einhverjum sem les þetta langar að hitta mig þá hef ég margar skemmtilegar sögur að segja, ég skal meira að segja hafa þær í jákvæðari kantinum þar sem ég er einstaklega jákvæð mannsveskja.
Ég er sest á skólabekk og farin að læra stærfræði, jamm konan gafst upp á málfræðinni!
Núna ætla ég að vera duglegri í að blogga enda með margar skemmtilegar sögur af sumrinu og nýjar hugmyndir.

2004-07-17T10:15:00.000Z

Tegar Bjørk týndist!
Ég á vid tann veikleika ad strída ad halda ad ég geti gert allt en ég afsannadi tad í gær med tví ad týnast all svakalega í gærkvøldi um svona kl 23 og hélt ég hreinlega ad ég mundi deyja í úthverfi Kaupamannahafnar sem nefnt er Ballerup. Tannig er mál med vexti ed ég fór og heimsótti frændsystkyni mín í Herlev og mér var haldin dýrindis grillveisla. svo koma ad tví ad koma sér heim í strætó og bílstjórinn misskildi mig og ég hann, tetta endadi tannig ad ég turfti ad hlaupa kílometra til baka. Tar nádi ég réttum vagni.... Í VITLAUSA ÁTT!!!! og tetta var seinasti vagnin! Ég reikadi um stræti Ballerup ramm villt med 100 danskar krónur á mér og vissi ekki hvar í verøldinni ég var stødd. Tá fann ég leiguíl, oh hvad ég var fegin. Hann var hinn yndælasti og og spurdi ég hvad kostadi ad fara til Amger. 300 krónur svaradi hann ég var nidurlút og sagdist ekki eiga svo marga peninga á mér. Viti menn madurinn vard bara hund fúll og hvæsti á mig ad vera ekki ad eida hans tíma svona og vildi ekki einu sinni segja mér leidina á næstu lestarsød.
fann ad lokum lestarstød skammt frá, og tók lestina í rétta átt og fínerí en í lestinni komu inn unglingar sem høfdu adeins fengid sér í glas og ein stelpan ædi næstum tví á mig!!!! en ég komst heim ad lokum heil á høldnu....

2004-07-16T09:43:00.000Z

Stúlkan er í Køben.
Béin 2 voru sameinud á ný í annari høfudborg en vant er og urdu miklir fagnadar fundir eftir langan tíma, alveg heilar 2 vikur.....
Blómastelpan Berglind vinnur hér í margrómadri blómabúd thar sem hún bindur blómvendi af mikilli snilld. Bjørk er hins vegar hinn almenni túristi og skodar stadi eins og strikid, søfn og adra merkilega stadi á daginn en á kvøldin fara svo ofurBéin af stad og mála bæinn raudan af sinni alkunnu snilld.
Ég ætla ad heimsækja frændsystkyni mín í kvøld tví ekki er tad alltaf hægt.
Fann tetta líka rosa fína netkaffi rétt hjá tar sem ég bý, er í hinu skemmtilega hverfi Amager, tar er ljúft ad vera.
Kvedja frá Køben.

2004-06-06T17:11:00.000Z

Var að velta fyrir mér hvernig ég ætti að útskýra og afsaka þetta bloggleysi á mér, en hef ákveðið að gera það ekki sökum þess að ég á ekki tölvu og er þar af leiðandi ekki með netið og svo nenni ég ekki að taka strætó upp í mosó áhverjum degi.
Þar af leiðandi auglýsi ég eftir góðhjörtuðu fólki í vesturbænum sem vill taka að sér unga snót svona klukkutíma á dag, ekki væri verra ef kvöldmatur fyldi. Umsóknir sendist inn á kommentaran eða mail. Stúlkan er barngóð, snyrtileg og kassavön með meiru. Svo er hún líka skemmtileg.
Það er annars búið að vera bjálað að gera hjá mér og nenni ég ekki að segja næstum mánaðar sögu hér, tja þið verðið bara að bíða eftir ævisögunni sem kemur út eftir nokkur ár.

2004-05-12T13:02:00.001Z

Það er búið að breita blogger, var smá tíma að finna út ú þessu en ég get allt! Mér er illa við miklar breitingar.
það er ýmislegt sem ég velti fyrir mér þegar ég er í prófum, eins og til dæmis þá var ég að horfa á sjónvarpið um daginn og sá þar merkilega auglýsingu um eitthvað svona ilmdæmi. Þar er nokkuð fríð kona sem þoldi ekki við á klósettinu sínu en fékk sér svo svona ilmdæmi og hangir bara inná klóinu drekkur kaffi og alles. HVAÐ ER AÐ FÓLKI? það er bannað að borða inná klói, það er ógeðslegt! Voðalega hlýtur hennar íbúð að vega ógeðsleg ef hún þarf að borða inn á klói.

Fleiri mál á dagskrá......

Niii mann ekki neitt

2004-05-12T13:02:00.000Z

2004-05-05T17:49:00.000Z

Ofurlíkami minn virðist ekki líka ferðir í bókhlöðuna því alltaf þegar ég stíg fæti inn á 2 hæð og ætla að koma mér fyrir smellur í mjöðminni á mér. Svo líkami ég spyr þig, hef ég ekki komið vel fram við þig, ertu mér reiður, hvað get ég gert til að bæta fyrir mistök mín?
Skondið hvað maður finnur eitthvað sniðugt til að skrifa um á bloggið þegar maður er alveg að sofna en næsta dag man maður ekki neitt og skrifar einhverja bölvaða vitleysu!

2004-05-05T17:27:00.000Z

Hvað er málið með þetta gluggaveður?

2004-05-04T13:01:00.000Z

Vorið er alveg að fara með mig.
Ég er ástfangin, ég veit ekki hvernig ég á að haga mér, veit ekki hvað eða hvort ég ætti að segja eitthvað, ég er hrædd við mikla nálgun en þrái það mikið, hvernig ætti ég að koma fyrstu fundum okkar í kring, er ég að vera of nærgöngul. Hartað tekur kipp ef ég sé viðkomandi og það er eins og þúsund fiðrildi hefi sig á flug.

Ég er ástangin af skóm. Þetta eru flottustu skór sem ég veit um en þeir kosta marga peninga... tár renna niður vanga minn því ég er í raun í ástarsorg því að ég veit að það afar ólíklegt að leiðir okkar eigi eftir að liggja saman.

2004-05-02T15:17:00.000Z

Ég ætla að viðrukenna svolítið ÉG KANN EKKI Á TÖLVUR!!! mér er illa við tölvur og þeim er illa við mig, svona gangkvæmt hatur. Þoli þetta ekki vill einhver vera tölvuþrællin minn og vera milliliður milli mín og tölvunnar. get ekki lofað ánægulegum samskiptum.
Annars er ég nokkuð sátt við lífið og tilveruna vorið er komið og grundirnar gróa, allt er að verða undursamlega grænt og vorylmur í loftinu. Þetta hefur þau áhrif að ég vill helst vera í göngutúr allan daginn og labba langar vegalegndir sem ég ætti frekar að taka stætó sökum prófa.
Merkilegt að þegar ég er í prófum bíða mikilvægari verkefni sem þola enga bið eins og t. d. þvottur og skítugt gólf og svo má alls ekki gleyma að þrífa ofnin maður verður að þrífa ofnin, það má bara alls ekki bíða.
Svolítið asnalegt að hafa próf svona á vorin það hleypur einhver svona fáránleiki í lífið á vorin, held að við séum svolítið eins og beljur á vorin hlaupum um eins og ég veit ekki hvað. En í stað þess að hleypa okkur út er ungafólkinu gert það að setjast niður yfir bókum. Ég vil njóta lífsins núna fara í göngutúra, sund og lifa á ís.

2004-04-30T12:36:00.000Z

Ég vil byrja á því að byðjast fyrirgefningar á tímabundnu bloggleysi. Það stafar af því að ég hef ekki hreinlega haft tíma til að koma mér í tölvur sem tengdar eru netinu en nóg af leiðinlegu dóti...
Ég er orðin íbúðareigandi og fæ ég höllina afhenda 1 júlí og vil ég þá bjóða öllum sem vilja að hjálpa mér að flytja, leiðin sem flutt verður er ekki löng bara tvær götur á milli, ég er semsagt að flytja á Ásvallargötuna sem er eðalstaður.
Höllin mín samanstendur af einstaklega björtu og fallegu eldhúsi og get ég því kannski boðið fleira fólki í mat en nú. Svo er lítið fallegt baðherbergi með eðalsturtu. Aðeins eitt herbergi og svo stofa sem notuð verður sem herbergi.
Ekki hefur mikið annað verið að gera hjá mér bara vinna skoða íbúðir og læra fyrir próf.
Það er reyndar komið í ljós að ég mun ferðast alla leið til Danmerkur og eið viku í kongsins Köben í júlí.
Svo er seinasta mál á dagskrá, ég held að ég sé skotin í strák, er alltaf að hitta hann sem ætti að vera ánægjulegt en kannski ekki svo því ég hitti hann alltaf drukkin (sem sagt ég er alltaf drukkin ekki hann) þetta er allt í vinnslu þarf bara að komast að því hvort hann eigi kærustu ef ekki þá er bara kílt á það.

2004-04-11T13:33:00.000Z

Nú er sko kominn tími á blogg, veit að ég er ekki búin að vera mjög dugleg undanfarið en það er búið að vera brjálað að gera hjá mér svo þið hljótið að afsaka.
Ég fór í stúdentaleikhúsið um daginn og sá 101 Reykjavík og mæli eindregið með því þið eruð að missa af miklu. Svo fer slatti af mínum tíma í það að finna íbúð, já alveg rétt konan stefnir á það að kaupa sér íbúð sem er stórt og mikið skref það sem ég á ekki neitt. Ég er að leggja mig fram í það að verða betri kvenkostur og samkvæmt mörgum stjörnuspám á ég að finna ástina í sumar. Ég er reyndar nett vantrúuð á svona stjörnuspár en alltaf gaman að hafa eitthvað til að stefna að sem sagt næsta verkefni á lista eftir íbúð er að finna ástina.
Ég fór í bústað með nokkrum úr fjölskylduni svona fyrir páska og ætlaði að slappa af en vitið menn á föstudaginn langa var mér þrælað út ég og mamma ræstum út mýri!!!! Svo á laugardeginum mokaði ég meira jamm náði í 2 fullar kerrur af möl og kom mölinni svo af kerruni í hjólbörur og ég sem ætlaði að slappa af. En að launum fékk ég góðan mat fékk sko humar og lambalæri mikið gott.
Ég fékk engar harðsperrur því ég lá í pottinum eftir allt saman.
Stundum get ég verið dulítið sniðug og sérstaklega eftir nokkur glös og datt mér í hug að kenna systur minni og frændum sem öll eru undir 12 ára aldri að fara í 2 manna konhnís sem er bara sniðugt. Og tók ég smá sýnikennslu með móður minni og hef ég sjaldan hlegið svona mikið. Ég mæli eindregið með því að fólk rifji upp skemmtilegar leikfimisæfngar í fjölskylduboðum.

2004-04-05T11:58:00.000Z

Kannski að ég skrifi inn á bloggið mitt þar sem ég er orðin frekar þreytt á að lesa. Það er ekki neitt rosalega gaman inn á bókhlöðu, svo er eins og mjaðmirnar á mér fari bara í verkfall hver einasta skipit sem ég er hérna. Það smellur alltaf hátt og skýrt í þeim þegar ég labba inn á bókhlöðuna eins og ég eigi ekki að vera hérna.

2004-03-26T12:24:00.000Z

Nú er mér nóg boðið, ég ætla að leggja fram formlega og opinbera kvörtun á fólkið sem sér um tölvukerfi HÍ, sem vinnur þar af leiðandi hjá RHÍ. Það hlýtur einhver innan veggja þessara dularfullu stofnunar að lesa þetta og er ég alveg svona 99% á því að allavega ein mannsveskja sem vinnur hjá þessari stofun lesi þetta svo endilega skrifið undir í kommenternum.
Ég ætlaði að skrá mig og borga skráningargjald núna en þar sem netið er á mínus hraða er það ekki að virka!!!! Vá hvað ég er pirruð

2004-03-24T10:41:00.000Z

Þar sem ég er að ná að rífa mig upp úr letini ákvað ég að bæta nokkrum skemmtilegum bloggurum inn í tilefni dagsins. Þetta er einstaklega góðhjartað fólk sem stundar nám í íslenskum fræðum við Háskóla Íslands. Tökum þeim fagnandi.

2004-03-24T10:06:00.000Z

Ætli það sé ekki kominn tími á blogg, letin náði yfirtökum á mér og undanfarna viku hef ég ekki nennt að skrifa hér inná.
Ég fékk mér göngutúr í morgun og rölti um stræti gömlu Reykjavíkur, Laugavegin, Skólavörðustíg og svo var ég allt í einu búin að rölta hring í kringum Tjörnina og sá þar fullt af morgunfúlum menntskælingum sem ekki kunna að meta lífið sökum undalegrar veiki sem er kennd við unglinga. Þeir leituðu í angist af einhverjum skyndibitastað sem væri opin, lögðust á gluggana í veikri von um að einhver starfskraftur væri mættur til að fæða þá. Hvernig væri að rölta bara í 10 11 eða bónus og fá sér ávexti og skyr. Miklu hollari morgunmatur sem lætur ekki bólurnar spretta fram í andliti eins og ég veit ekki hvað.
En ofboðslega er borgin falleg svona í morgunsárið snemma á vorin. Nú er rétti tíminn fyrir ástfangin pör að rölta og sá blómin springa út við blíðan fuglasöng. Ef þú átt ekki betri helming þá er bara að finna hann því þetta er rétti tíminn fyrir göngutúra.
Kannski að ég finni einhvern strák og taki hann mér mér í göngutúr, því ég held að ég sé ástfangin. Ég held að ég sé ástfangin af vorinu.

2004-03-17T12:27:00.000Z

Ég hef komist að þeirri niðurstöðu að ég er á rangri hillu í lífinu. Íslensku nám á ekki við mig ég er hrifin af bókmenntasögu en málfræðiáfangarnir voru að gera útaf við mig.
Svo ég ætla að skipta um fag..... hvert langar mig að fara, jú á marga staði. Sökum þessarar merku uppgvötunar hjá mér ætla ég að setja upp smá könnun vinsamlegast kommentið.
Valið stendur á milli Viðskipta/markaðsfræði sem er efst á lista svo er stjórnmálafræði og listasaga.
Einn tveir og kjósa....

2004-03-16T12:22:00.000Z

Letin er að ná yfirtökum á líkama mínum og huga, langar bara að vera heima og sofa.
Merkilegt hvernig svona letitímabil koma yfir mann á versta tíma. Ætli maður verði ekki bara að taka sig á og láta sig hafa það að eyða seinustu orkunni í að standa sig vel.

2004-03-12T11:32:00.000Z

Jæja ég er ekki sátt í augnarblikinu, ég óð gegnum eld og brennistein til þess að komast í skólan, ég hafði mig til í morgun setti á mig maskara og gerði nesti. Svo lagði ég í mikla för til þess að komast í skólan en þegar ég loksins komst á leiðarenda með maskara niður á kinn og rennvot komst ég að því að kennarinn er veikur og enginn tími vá hvað ég er pirruð.
Svo til að bæta meira veseni við koms ég að því að góður kvenkostur þarf að kunna að tefla og þá list hef ég barasta aldrei lært, svo ég sé fram á það að pipra sem er kennski ekki skemmtileg tilhugsun þegar maður hugsar svona 9 ár fram í tíman.
Svo eru raunveruleikaþættir að koma óorði á kvenþjóðina. Í einum slíkum er keppnin sú að hlaða inn 25 stúlkum í lítið hús til að keppa um hylli eins manns sem er illa sýktur af athygglissýki. Svo eru myndavélar út um allt til að ná á band öllu sem þær gera, slagsmálum, veikindum og tárum. Þetta er mjög illa gert það sem hver maður getur séð að þær eru ekki heilar á geði og getur haft þær afleiðingar að karlpeningur gæti farið að forðast kvenþjóðina. Ef ég kæmist í svona þátt væri ég drukkin allan tíman til að berjast við skömmina og koma með vesen eins og mér er einni lagið, persónulega mundi ég bara gefa skít í þennan piparsvein. Þetta eru sko ekki mínar típur sem hafa verið hingað til. Svo er annað það endar með því að einhver kona á eftir að nauðga gaurnum þær eru svooooooo ágengar í þessu kapphlaupi um þennan gaur.

2004-03-09T12:10:00.000Z

Merkilegt hvað sumir dagar geta verið litlausir og ekkert merkilegt komið upp á. En ef maður skoðar málið betur er alltaf eitthvað að koma uppá en fyrst verður maður bara að koma sér framúr bælinu og rölta út. Alltaf hittir maður einhvern nýjan og ef maður er heppin einhvern sem maður þekkir, þetta plan getur ekki klikkað bara fara eitthvað út, svo í lok dags er hægt að taka saman alla litlu hlutina og hvað segir máltækið margt smátt gerir eitt stórt.

2004-03-07T19:18:00.000Z

Þá er helgin barasta að klárast, ég get barasta verið sátt við það sem ég afrekaði um helgina.
Var edrú alla helgina og mætti á árshátíð í gær, flestir voru vel í glasi og undraði ég mig á hvernig sumir höguðu sér og hélt ég á tímabili að ég væri í hættu, hættu á að kjóllin minn mundi fara niður. Þá hefði ég sko flassað alla en ég er ekki mikið fyrir að sýna á mér brjóstin svo ég fór að forðast vissar manneskjur.
Svo fór ég að velta fyrir mér hvað fær fólk til að láta svona og í hverju væri nú lent, en svo gerði ég mér grein fyrir því að ég er ein þessum rugludöllum, það var ég sem var öðruvísi í gær svo ég tek öllara með næst og fell aftur inn í hópin þar sem ég á heima.

2004-03-05T12:17:00.000Z

Ég held að ég sé virkilega að standa mig í þessu móðurhlutverki, eldaði kvöldmat, smurði nesti og mamma taktu eftir greiddi á henni hárið. Reyndar gleymdum við að gefa kvennagullinu honum Mola að borða en því verður reddað seinna í dag. Hann Moli er svolítið sætur hann er lítill svartu og afskaplega mjúkir, jamm það er rétt hann er líka með stór eyru, þetta er kanínan Moli sem er búsettur í kofa við hliðina á húsinu, svo hann er eiginlega ekki húsdýr heldur nágranni. En hann er algjört partyanimal.

2004-03-04T22:52:00.000Z

Nú er ég búin að velta fyrir mér ýmsum hlutum svo sem samböndum og ástinni. Ég er ekki að nenna í samband hins vegar langar minn til að upplifa svolítið fling eins og ég kalla það, svona vandræðaleg móment sem enda svo í kúri yfir video. En svoleiðis endar bara alltaf í rugli svo ég held ég sleppi því.
En ég ætla að viðurkenna að það væri eflaust voða gaman að vera smá skotin...
Vá hvað maður verður drullu væmin svona seint á kvöldin svo ég ætla að hætta þessu og blogga bara í hádeginu eins og venjulega þá er ég lang sniðugust.

2004-03-04T18:14:00.000Z

Ég er ekki svona slæm eins og ég lít út fyrir að vera. Ég er til dæmis einstaklega barngóð og svo get ég verið afskaplega hress. En það er svolítið asnalegt að auglýsa sig á netinu þegar maður er ekki að leita af tilvonandi manni sínum, nei ég ætla sko að halda áfram að vera einhleyp því það er svoooo gaman svo þarf maður ekki að hugsa um neinn eða neitt nema rassin á sjálfum sér.

2004-03-03T10:46:00.000Z

Merkilegt hvað og hverju maður veltir fyrir sér þegar maður getur ekki sofnað. Það getur í raun verið dulítið hættulegt, í nótt var ég andvaka og fór að velta fyrir mér hvað þarf góður kvenkostur að hafa. Í gamla daga þótti gott ef konum fyldi það sem ég kalla meðborgun og ég hef ekkert svoleiðis kannski að ég fari að ræða við hann föður minn svo hann geti reddað þessu. Svo skemmir ekki ef konan kann að sauma og prjóna en ég kem ekki nálægt saumavélum og prjóna bara trefla, sem er mikill kostur þá er verðandi maður minn ekki í hættu að fá hálsbólgu. Það er líka algjört möst að hún kunni að elda sem ég er nokkuð góð í ef mér eru réttar leiðbeiningar. Góður kvenkostur þarf einnig að hafa mikla þolinmæði og það er mér bara ekki meðfætt það þarf allt að gerast strax og helst í gær.
Ég kom sem sagt ekki vel út úr þessari naflaskoðun. Hef ég því svolitlar áhyggjur um það að finna ekki mann fljótlega þar sem ég er ekkert voðalega spennt fyrir hússtjórnarskólanum.
Hver vill taka að sér unga stúlku sem uhm hum er ofboðslega ljúf og góð með merkilegan húmor.

2004-03-02T12:37:00.000Z

Jæja þá er helgin að komast á hreint, og verð ég gjörsamlega á útopnu allan laugrdaginn svo ef þið viljið fá athygli mína gjöra svo vel að taka miða og fara svo í röð. Kannski að ég komi ykkur að á sunnudeginum, það er að segja ef veður leyfir. Því í augnarblikinu er ég að einbeita mér að því að vera ofurdóttir og ætla að sækja foreldra mína á flugvöllin í skiptum fyrir eitthvað. Geri sko ekki svona hluti frítt, þar sem ég fæ lánaðan bílinn verð ég að láta gott af mér leiða.
Svo eru gleði fregnir Harpan mín ætlar að keppa í frjálsumíþróttum á laugardaginn og hvet ég alla til að legga leið sína í Egilshöll að hvetja mýsluna áfram,(nú verð ég skömmuð) svo ætla ég að setja hana í pössun og skunda á árshátíð íslenskunema.
Fólk er aðeins farið að velta fyrir sér hvenig veseni ég er lennt í eftir seinustu bloggfærslu og ætla ég að upplýsa þá forvitnu. Ef þú þekkir mig vel og lest þetta þá er þetta bara þetta venjulega en ef þú þekkir mig ekki veistu og mikið nú þegar.

2004-03-01T17:29:00.000Z

Ég hef verið að taka eftir því undanfarna daga að lítill púki inn í mér er farinn að gera vart við sig. Ég finn hvernig glottið hans breikkar og hornin stækka. Fyrst var ég ekki viss hvaða púki þetta væri en komst að því um helgina, þetta er slæmur púki kenndur við vesen. Hann náði mér yfir á sitt band um helgina og hef ég það á tilfininguni að hann sé kominn til að vera.
Undanfarið hefur vesenið hreinlega elt mig á röndum, þefar mig upp á götunum og bíður eftir mér í dyrunum. Svo ég get bara sagt eitt, þið skuluð nú bara fara að vara ykkur því nú er Björk komin í ham og ekkert fær stöðvað ofurveseniskonuna Björk.
Svona svo ég komist inn á eitthvað skemmtilegra þá ætla ég að ganga í móðurhlutverk næstu helgi og sjá um hana Hörpu súper sætu (hún er voða lík mér í útliti) Ekki er mig farið að kvíða fyrir því, ég er nefninlega örugglega gegguð stóra systir. Hef það samt sterklega á tilfininguni að við eigum eftir að spila svolítið mikið í PS2.

2004-02-28T19:18:00.000Z

Vá hvað er gott að fara í heimsókn til foreldra sinna einstaka sinnum og borða góðan mat. Í augnarblikinu er ég að springa því ég er svo södd. Held að það hafi ekki komið fyrir áður að ég skrifi inn á bloggið í Mosfellsbænum, í gamla herberginu mínu með öllara í hendini og litlu systur við hliðin á mér tístandi. Þar sem ég er búin að troða mig út af humri ætla ég að skrifa um ævintýri næturinnar.
Byrjaði á því að skunda í vísindaferð í Eddu og var vel gert að okkur þar með veitingum og skemmtilegri kynningu á starfi þeirra. Svo var ákveðið að arka á skemmtilegan stað sem er kenndur við Wall streed þar sem lýðurinn tók tryllt kareoke lög misjafnlega vel. Þar sem ég ekki syng í kareoke lét ég mér nægja að sitja og raula með.
Merkilegt hvað fólk missir sig oft þegar það fær míkrafón í hendurnar, þar sem ég á nógu auðvelt með að missa mig án míkrafóns legg ég ekki í það að handleika svoleiðis tæki svo er nóg fyrir mig að leifa mínu nágrönum að heyra þegar ég syng þar sem ég er falin í sturtu er ég ekki viss um að fólk í misjöfnu ástandi þoli mína undur blíðu rödd og kunni að meta hana.

2004-02-27T10:04:00.000Z

Sko loksins fékk ég hjálp við að koma þessari síðu upp og er búin að bæta inn nokkrum góðum bloggurum er eflaust að gleyma einhverjum en þá getur sá bara kommenterað á mig því ég er líka komin með svoleiðis og gestabók líka. Svo nú er um að gera að tjá sig loks þegar ykkur hefur verið gefið frelsi til þess krúttin mín.
Ég vil þakka honum Magga litla hermanni fyrir mikla hjálp á þessu öllu saman og á hann mikin heiður skilið.
En jæja kannski að ég pilli mig í tíma og komi á eftir með eitthvað merkilegt.

2004-02-26T16:35:00.000Z

Helgin ætlar bara að byrja vel hjá mér og er byrjuð því ég þarf ekki að mæta í vinnu á morgun. Mæti bara stutt í skólan og svo verður skundað í vísindaferð. Í milli tíðinni á ég lausan tíma sem ekki hefur komið fyrir lengi, það kemur eiginlega bara fyrir á sumrin að ég hafi tíma til að gera eitthvað svona fyrir myrkur.
Það hefur verið afskaplega mikið að gera en þó ekkert að frétta af manni, svo ekki get ég gefið ykkur langt blogg í dag.

2004-02-24T12:27:00.000Z

Blogg dagsins er tileinkað móður minni.
Ég hef ekki verið þekkt fyrir að vera mikil mömmustelpa, frekar svona pabbastelpa. En um helgina ákvað ég að mamma mín væri hetjan, þannig er mál með vexti að fjölskyldan mín gerði sér ferð í Hafnarfjörð á laugardagskvöldið. Tilefnið var að fimmtugsafmæli hjá Baldri Vattarnesbónda. Þar var mikið drukkið og ræður og samsöngur stundað meðan á borðhaldi stóð, og hápunktinum var náð þegar Bergþór nokkur Pálsson söng Hamraborgina og tók síðan dúett með afmælisbarninu og ætlaði allt að verða vitlaust.
En jæja víkur sögunni aftur að móður minni sem undir lok borðhalds var valin valkyrjan, jáhá hún móðir mín á nokkrar magnaðar hliðar og hlaut hún nafnbótina fyrir það að hún er eina konan sem farið hefur út í eyjuna ´Skrúð til þess eins að veiða lunda.... Konur meiga vissulega fara út í Skrúðinn en ekki veiða lunda þar. Ekki nóg með það að hún hafi fangað lundagreyin í háfin heldur stútaði hún þeim sjálf. Var gefin nokkuð náin lýsing á því hvernig hún tók þá en langar mig ekki að hafa þá lýsingu hér á síðu minni.
Held meira að segja að hún hafi gert að fuglinum sjálf, sem er reyndar nokkuð ógeðslegt, og get ég talað af reynslu þar. Ég hef nefninlega hamflett gæs og rjúpu.
Svo vinnur mamma mín nokkurs konar kallavinnu, hún er svoddan tölvunörd.
Svo er mamma mín líka ofboðslega skemmtileg kona.

2004-02-19T17:26:00.000Z

Uppgvötun dagsins í dag er það er klikkað gaman í skotbolta. Ég hef ekki farið í þennan boltaleik árum saman en bætti úr því fyrir stundu. Spilaði reyndar með svona 20 sex ára börnum og við vorum 3 fullorðin. Það var pínu erfitt að sjá hvort hefðu meira gaman af þessu börnin eða við. Mæli með að allir fari út á völl og smelli sér í einn skotbolta, munið að hringja í mig!

2004-02-17T17:20:00.000Z

Nú er komin þriðjudagur, ekki svo merkilegt nema kannski að það er ekki mánudagur. Mánudagar geta verið fínir og ég skil ekki hvað fólk er alltaf að ergja sig út af þeim, þeir koma og fara eins og allir aðrir dagar. Næsti mánudagur er meira að segja nokkuð skemmtilegur mánudagur.... BOLLUDAGURINN hinn mikli. Hugsa að ég verði þjóðleg og baki bollur þar sem ég er hætt að vinna í bakaríi og flutt frá mommsuni. Svo verður þriðjudagur tekin með trompi og saltkjöti smellt í pottinn. Veit ekki alveg hvort maður ætti að vera djarfur og smella sér í grímubúning á miðvikudag, hugsa bara að ég fari sem ég sjálf, það er samt bara seinnitímavandamál.
Helgin var nokkuð skemmtileg, fór út á föstudaginn með góðum hópi og svo kom laugardagur og þá var eitthvað að mínum ofurlíkama. Ég var föst í hálsinum svo það voru engar leikfimisæfingar gerðar þann daginn.

2004-02-13T12:42:00.000Z

Tjahh....
Hef ekki skrifað lengi inn á bloggið mitt því ég get verið afskaplega löt. Þegar ég fór að hugsa um þetta fór ég að velta fyrir mér hvort ég gæti verið þuglynd því það kemur fyrir að ég nenni ekki að gera hluti eins og að fara út í búð, sá nefninleg um daginn að oft getur þunglyndi lýst sér þannig að manneskja kemur sér ekki í að gera hversdagslega hluti. Velti þessu fyrir mér í smá tíma en komst svo að þeirri niðurstöðu að ég gæti ekki verið með þennan sjúkdóm, ég lifi næstum því hinu fullkomna lífi og heilsársheitið mitt stendur enn ég er afskaplega hamingjusöm. Svo ef ég kemst í félagskap fer ég og er nánast með alltaf með fólk í kringum mig. Á reyndar stundum frekar erfitt að vera ein og orðaði manneska mikil og vitur þetta snilldarlega ,,Björk þú kannt ekki að vera ein"
Svo er ég líka oftast brosandi og stundum flissa ég með sjálfri mér eins og núna konan við hliðina á mér prumpaði, þetta átti grainilega að vera lítið og pent, en ég er með ofurheyrn og heyrði þetta.
Svo fékk ég leið á þessum þunglyndispælingum þar sem ég var búin að komast að því að ég sé ekki þunglynd og hugsaði með mér ef ég væri ofurhetja, hverskonar ofurhetja væri ég? Því meira sem ég hugsaði um þetta því meir langar mig að vera vondikallin í söguni. Hugsa samt að ég væri vonda konan, því ég á mínar leyndu dökku hliðar. Helsti styrkur minn væri að vera með vesen... þar sem ég er þrautreynd í því fagi og oft held ég að vesen hreinlega þefi mig uppi en ég viðurkenni þó að oft get ég haft gaman af því að vera með vesen og gera úlfvalda úr mýflugu. Held reyndar að flestar stelpur séu þannig.

2004-02-09T12:58:00.000Z

Upp er runnin mánudagur, ákaflega skír og fagur....
Þá er komið að þér lesandi góður að botna þennan fyrripart, þarf virkilega að fara að koma mér upp kommentakerfi á þessa síðu en í bili er þetta enn allt seinntímavandamál, en að safna og komin með nokkur mörg. Á laugardaginn fór ég á þorrablót með vinnunni, var það einstaklega skemmtilegt þar sem minn hópur vann keppni í því að koma með seinniparta að fyrripörtum. Get ekki sagt að ég hjálpaði til en ég veitti andlegan stuðning og gaf mér þá það að ég ætti verðlaunin með hópnum, þar sem þetta var nammi og mér finnst nammi gott.
Föstudagskvöldið byrjaði vel svo fór að kárna gamanið og leist mér ekki á blikuna á tímabili þar sem ég var meidd á vörunum (þar af leiðandi ekki voðalega kyssuleg) og frekar reið og ráðvilt. En ákvað svo að láta þetta ekki á mig fá því ekki hafði ég gert neitt rangt, setti vandamálið í seinnitímavandamáladálkin og hélt áfram að djamma hin glaðasta með sár á vörinni.
Þar sem ég er með ofurlíkama er hann fljótur að gera við svona sár svo varir mínar eru í fínu standi núna til ykkar sem langar að vita það.

2004-02-06T12:28:00.000Z

VEI loksins komin föstudagur!! Þá er mál að mála bæinn rauðan... í kvöld ætla ég að mæta með málingarfötuna rauðu upp í Breiðholt, þar verður haldið kveðjupartí því Jóhanna er að stinga af, já konan ætlar bara að flýja kuldan og setjast að í Ástralíu, þar er víst alltaf sumar og sól.
Merkilegt hvað Íslendingar eru haldnir mikilli útþrá, gamla fólkið sest nánas að á Kanarí á veturnar og svo er maður ekki maður með mönnum nema að maður stingi af á sumrin eitthvert til heitari landa. Það er svolítið vitlaus hugsun því ef maður vill sumar og sól ætti maður í raun að fara á veturna. Hvað er svona slæmt við íslenska sumarið? Ég elska íslensk sumur því hér ólíkt heitu löndunum er bjart allan sólahringin og þá þarf maður minna að sofa! Hvernig væri að taka sér bara smá tíma og fara í frí á Íslandi, Keyra norður í Mývatnssveit og hafa það notalegt þar. Mývatnssveit er einn fallegasti staður landsins og hvet ég alla til að fara þangað. Það er reyndar fullt af útlendingum þar en ef farið er í byrjun sumars í júní er ferðamannastraumurinn ekki svo mikill. Þar verður maður að fara að skoða vissa staði, þar ber hæst að nefa Dimmuborgir (fallegast að fara þangað þegar sólin er lægst á lofti) Bjarnarflag (reynið þá að finna innsveitung og sníkja hverarúgbrauð sem er ofboðslega gott) Kröfluvirkjun er magnað fyrirbæri svo er náttla algjör skylda að fara að skoða Ösku (sem er reyndar alveg dagsferð á jeppa í júní) gaman er að rölta í Drekagili þar er hreint ótrúlegt landslag, ekki má gleyma Mýflugi þar er hægt að komast í útsýnisflug, svo ef þið þekkið einhvern innsveitung eða farið með mér þá má alltaf finna leynistaði sem er voðalega gaman að njóta. svo er hægt að fara í kajak siglingu sem ég hef ekki en reynt en gæti trúað að sé mjög skemmtilegt.
Jæja lömbin mín þá er um að gera að skreppa norður.

2004-02-04T12:23:00.000Z

Merkilegt hvað fólk á það til að dæma annað fólk við fyrstu sýn. Þannig er mál með vexti að ég fór í tíma í morgun og settist hjá Obbu og Jón Gesti, en hinu megin við mig sitja tvær konur. Ég spjalla aðeins við Obbu áður en tímin byrjar, en sé út undan mér að konurnar tvær skrifa á miða gelgjur og svo er ör sem bendir á mig og Obbu. Svo hefst tímin ég hætti að tala og fylgist með, en þá losnar um málbeinið hjá þessum blessuðu konum og þær flissa nánast allan tíman. Þetta er ykkar að dæma sem þekkið mig.
Ekki það að ég dæmi ekki sjálf fólk áður en ég kynnist því, ég dæmdi til dæmis Aldísi eina af bestu vinkonu minni áður enn ég kynntist henni og það var ekki gott það sem ég hugsaði um hana. En hún er ein af bestustu manneskjum í heimi og ykkar missir að kynnast henni ekki.
Þetta er sem sagt boðskapur vikunar ekki dæma fólk fyrr en þið eruð búin að rannsaka málið og gefa ykkur tíma til að kynnast því.

2004-02-03T09:52:00.000Z

Þá er helgin liðin og hversdagsleikin tekin við, en þar sem hversdagsleikin er einstaklega skemmtilegur hjá mér er þetta bara hið fínasta mál. Helgin var tekin út með trompi, vísindaferð á föstudag og ástralíu djamm á laugardag. Svo kom sunnudagur þá fór ég í kringluna og keypti jakka við mikla gleði.
Fékk reydar ótal margar hringingar á laugardags og sunnudags morgun frá fólki sem var að athuga hvort ég væri þunn og gladdi ég það fólk mikið með því að tilkynna að ég væri löngu vöknuð og hin hressasta. Fólk ætlar bara ekki að ná þessu... ég verð ekki þunn, allavega hefur það ekki komið fyrir hingað til!!! Er oft hressari en fólk sem ekki var að djamma heldur vinna.
en jæja ég ætla að koma mér í tíma.

2004-01-28T12:17:00.000Z

Það er voðalega erfitt að byrja að skrifa svona og var ég að hugsa um að byrja nýja hefð... í staðin fyrir að segja kæra dagbók að segja kæra blogg!! gæti verið svolítið sniðugt, ég hafði nefninlega alltaf þann draum að skrifa dagbók þegar ég var yngri en sökum leti lét ég það eiga sig.
Merkilegt hvað fólk ætlar sér alltaf mikið á nýja árinu og setur sér mörg áramótaheit, hvað ætli margir séu búnir að brjóta sín áramótaheit núna? Ég ákvað að setja mér upp eitt áramótaheit svona í tilefni að því, svo fór ég að hugsa hvaða áramótaheit getur maður haldið allt árið? samt er ég eiginlega á því að áramótaheit eigi ekki að standa lengur en janúar, það er svo hæfilegur tími og svo getur verið erfitt að muna hvað maður ætlar að gera í svona langan tíma. Ég plana helst ekki marga daga fyrirfram sökum þess´að ég man ekki! Allavega ég fann upp fullkomið áramótaheit: ÉG ætla að vera hamingjusöm!! og vegna þess að áramótaheit duga aldrei lengur en út janúar ætla ég að kalla þetta HEILSÁRSHEIT og strengja það á hverju ári. Þetta er líka svo sniðugt því ég er hamingjusöm og þarf bara að halda áfram því sem ég er að gera.
Svo er ég búin að finna manneskju til að hjálpa mér að laga síðuna en ég þakka öllum sem buðu sig fram.

2004-01-26T18:22:00.000Z

Haha
þetta get ég gert og hahaha á alla sem ekki hafa haft trú á mér og tölvum í gegnum tíðina (þar á meðal ég sjálf) í augnarblikinu gæti ég ekki verið stoltari af sjálfri mér. Nú þarf ég bara að læra að gera svona gestabók og kommenterakerfi hjá mér en það er seinnitímavandamál eins og allt annað því ég gat komið mér upp bloggi sem telst vera mikill árangur hjá litlu fólki eins og mér. kannski ég reyni að setja upp svona hlekki á aðra bloggara, en skilyrði fyrir þá sem vilja vera með link inn á minni síðu verða að vera með mína síðu hjá sér. hver býður sig fram???

2004-01-26T18:16:00.000Z

Jæja þá er komið að því að ég geri innrás á netið! Veit ekki hvort eða hvernig það tekst upp en hér ætla ég að reyna að einfalda heiminn.